"Федераль дәүләт белем биреү стандарттарын бойомға ашырыу шарттарында уҡыусыларҙың туған телде һәм әҙәбиәтте өйрәнеүгә ҡыҙыҡһыныуын арттырыуҙың актуаль ысулдары һәм алымдары" темаһына август предмет секцияһы

Ул башҡорт теле һәм әҙәбиәте уҡытыусыларын тәбрикләп, һүҙҙе филалогия фәндәре кандидаты, "Фәнни-мәғлүмәти-методик үҙәк" өҫтәмә белем биреү муниципаль бюджет мәғариф учреждениеһы бүлек мөдире - Абдрахманова Лена Нурислам ҡыҙына бирҙе. 2022-2023 уҡыу йылында милли мәғариф бүлегенең методик эшмәкәрлегенә анализ һәм яңы уҡыу йылына билдәләнгән бурыстар буйынса сығыш яһағаны.
Шулай уҡ кәңәшмәлә педагогия фәндәре кандидаты, Башҡортостан Республикаһы Мәғарифты үҫтереү институтының Милли мәғариф буйынса ресурс үҙәге директоры урынбаҫары - Дәүләтшина Мәрхәбә Сәйәфәр ҡыҙы башҡорт дәүләт теле буйынса 1-4 кластар өсөн уҡытыу-методик комплекттары тураһында сығыш яһаны. Кәңәшмәлә "Айырым фәндәрҙе тәрәнәйтеп өйрәнеүсе 114-се белем биреү үҙәге" муниципаль автономиялы белем биреү учреждениеһының башҡорт теле һәм әҙәбиәте уҡытыусыһы Сирбаева Яҙгөл Айрат ҡыҙы, "Мостай Кәрим исемендәге 158-се башҡорт гимназияһы" муниципаль автономиялы белем биреү учреждениеһының башҡорт теле һәм әҙәбиәте уҡытыусыһы Игелекова Айгөл Иршат ҡыҙы, "3-сө гимназия" муниципаль автономиялы белем биреү учреждениеһының башҡорт теле һәм әҙәбиәте уҡытыусыһы Нафикова Фәнгизә Рафаэл ҡыҙы - өйгә эштәр аша уҡыусыларҙа башҡорт телен өйрәтеүгә ҡыҙыҡһыныу уятыу, ғәҙәти булмаған уҡытыу алымы булараҡ өҫтәл уйындары һәм уҡыусыларҙы туған телдәр буйынса олимпиадаларға әҙерләү методикалары менән уртаҡлаштылар.